2018/05/22

ГЭР ДҮҮРЭН ЖАРГАЛ-ХҮҮХЭД БҮРИЙН ХӨГЖЛИЙН ҮНДЭС

Манай  байгууллага нь төвд сурч амьдарч байгаа хүүхдүүдийнхээ эцэг эх асран хамгаалагчидтай хамтран ажиллах, уялдаа холбоог сайжруулах зорилгоор жил бүр Дэлхийн гэр бүлийн өдрийг тохиолдуулан “Гэр бүлийн үнэ цэнэ” нээлттэй хаалганы өдөрлөгийг зохион байгуулдаг уламжлалтай.  
Тус өдөрлөгт нийт 28 хүүхдийн 16 эцэг эх асран хамгаалагчид, Амгалан цогцолбор сургуулийн багш нарын төлөөлөл, Хамтран ажилладаг байгууллагын төлөөлөл БЗД-ийн Цагдаагийн 3-р хэлтэсийн Гэр бүлийн хүчирхийлэл, Хүүхдийн эсрэг гэмт хэргээс урьдчилан сэргийлэх тасгийн 3  мэргэжилтэн, Цэцэглэх Ирээдүй ТББ-ын сайн дурын ажилтнууд хүрэлцэн ирлээ.

Эцэг эх, багш сурган хүмүүжүүлэгч, хүүхэд хамгааллын байгууллагуудын  оролцоо, хамтын хүч, нэгдмэл зорилгыг урьтал болгон  хүүхдийн хүмүүжил, хөгжил төлөвшил, хууль эрх зүй, халамж хамгаалал нийгэм сэтгэл зүйн үйлчилгээг цогцоор нь үр дүнтэй үзүүлэхэд чиглэсэн санал санаачлагуудыг хүлээн авч,  харилцан мэдээлэл солилцлоо.
            Өдөрлөгийн хөтөлбөр төлөвлөгөөний дагуу эцэг эхчүүд хүүхдүүдийнхээ сурч хөгждөг амьдрах ухааны сургалт, эмнэлэг эрүүл ахуйн үйлчилгээ, өдөр тутмын нийгэм сэтгэл зүйн үйлчилгээ, хууль эрхийн үйл ажиллагаатай танилцаж сэтгэгдэл өндөртэй талархал илэрхийлж, сэтгэл ханамжийн асуулга судалгаанд оролцлоо.  
Хүүхдүүдийн зүгээс хүрэлцэн ирсэн зочиддоо зориулан өөрсдийн бэлтгэсэн дуу хуурын мэндчилгээг дэвшүүлэн “Амжилтын хөтөч” ХӨУЗ-өөс зохион байгуулсан “Би гэр бүлдээ үүнийг л хүсдэг” гар зургийн уралдаан үзэсгэлэнгээ сонирхуулахын зэрэгцээ ОУЭЭХ өдрөөр “Ижийдээ зориулан бичсэн захидал”-аа гардуулан өглөө.

2018/05/14

Мод тарих өдрөөр бид

Монгол Улсын Ерөнхийлөгчийн 2010 оны зарлигаар жил бүрийн 5,10 дугаар сарын хоёр дахь долоо хоногийн бямба гаригийг бүх нийтээр мод тарих үндэсний өдрийн хүрээнд  2018 оны 05 дугаар 12-ний өдөр Хүүхэд Залуучуудын Сургалт Хүмүүжлийн Тусгай Цогцолборын нийт бие бүрэлдэхүүн байгууллагын гадна талбайн ногоон байгууламжийг баяжуулж цэцэг, модны тоог нэмэгдүүлэхээр 259м2 талбайд 5 төрлийн 38 ширхэг мод, бут, сөөгийг тарьж, 101,9м газрыг нэг наст ургамал болох

Хун цэцэг

Хилэн цэцэг

Зиня цэцэг

Эрвээхий цэцэг

Мандарваа цэцэг


зэрэг нийт 5 төрлийн 350 ширхэг цэцгийн  үр сэлгээг газрын хөрсөнд шилжүүлэн 
суулгах ажлыг хийсэн.  Энэхүү ажилд  нийт 127 багш, ажилчид, хүүхэд, залуус 
оролцож ажлыг амжилттай  явуулсан.


Мөн тус өдөр багш ажилчид өмнөх жилүүдэд тарьж ургуулсан модны арчилгаа тордлогоо, таналт, цэнэг усалгаа болон ногоон байгууламжийн хогийг цэвэрлэх ажилд идэвхтэй оролцсон.

Цаашид байгууллагынхаа ногоон байгууламжийг илүү сайжруулахын зэрэгцээ мод бут сөөгийг болон цэцэг ургамлын тоог олшруулж ажиллана.

            

2018/05/01

Барилгын өргөн мэргэжлийн багш ажилд авна.

Бид зөвхөн олон нийтийн мэдээллийн хэрэгсэл, өөрийн веб сайтаар дамжуулан зарласан ажлын байрын дагуу өргөдөл хүлээн авдаг. Өргөдөл гаргахад нэмэлт материал шаардлагатай байж болох тул тухайн зарласан ажлын байрны мэдээллийг сайтар судална уу.

Өргөдлийн материалыг буцаан олгохгүйг анхаарна уу.


Хэлтэс
Албан тушаал
Тавигдах шаардлага
Хаалтын огноо
Сонгон шалгаруулалтын явц
Хүүхдийн төв
Барилгын өргөн мэргэжлийн багш
2018.05.18
Анкет хүлээн авч байна

2018/04/30

“МИНИЙ ЭРХ ҮҮРЭГ” ДЭВЖЭЭ ТЭМЦЭЭНД АМЖИЛТТАЙ ОРОЛЦЛОО

Нийслэлийн Хүүхэд, Гэр бүл хөгжлийн газраас хүүхдийн эрхийн конвенци, Хүүхдийн Хөгжил хамгааллын үндэсний хөтөлбөрийн хэрэгжилтийг хангах ажлын хүрээнд нийслэл дэх асрамж, халамжийн төвд амьдарч буй хүүхдүүдийн хууль эрх зүйн мэдлэгийг нэмэгдүүлэх, тэднийг эрх үүргээ мэддэг өв тэгш иргэн болгон төлөвшүүлэх зорилготой “Миний эрх үүрэг” сэдэвт “ДЭВЖЭЭ” наадам 2018 оны 04 сарын 25 өдөр зохион байгуулагдсан ба 10 гаруй төвөөс 80 гаруй хүүхэд оролцсон.
Манай цогцолборын “Тал нутгийн хүүхдүүд” багийн хүүхдүүд амжилттай оролцон тусгай байранд шалгарлаа.







Дэлхийн номын өдрийг тохиолдуулан хүүхдийн зохиолчтой уулзалт хийлээ

МЗЭ-ийн шагналт, Хүүхдийн зохиолын “Болор сарнай” уралдааны цомын эзэн, “Хүүхдийн элч” медальт, хүүхдийн зохиолч Л.Самбууг урьж  уран бүтээлийн уулзалт зохиолоо. 



Хүүхдийн зохиолч  маань   “Тоглоом дуусаагүй байхад”, “Том жаал амьтдыг шоолсон нь”, “Том жаал далавчтай байх минь яав” зэрэг цуврал номынхоо талаар ярьж, Инээд алдсан нар, Хөрөг, Номонд дуртай жаал, Сургуулиас холгүй багашаархан дэлгүүрт...  зэрэг  шүлгээ   хүүхдүүд,  багш нарт  уншиж өгөв. Асуулт, хариулт, шүлгийн мэндчилгээгээр   үргэлжилсэн уран бүтээлийн уулзалт амжилттай өндөрлөлөө.




2018/04/19

ХОНГ КОНГ УЛСАД ХҮҮХЭД ЗАЛУУСЫН НӨХӨРЛӨЛИЙН ХӨТӨЛБӨР, ТУРШЛАГА СУДЛАХ АЯЛАЛД ХАМРАГДЛАА

Хүүхэд залуусыг гадаад орны соёл,  хөгжилтэй  танилцуулж нөхөрлөлийн  хөтөлбөрт  хамруулах, Хонг Конгийн хүүхэд  хамгааллын байгууллагуудын  үйл ажиллагаатай танилцах,  хүүхдийн танин мэдэхүйн хөгжлийг дэмжих, туршлага судлах, сургалт мэдээлэл авах, шинэ санаачлага  бий болгоххамтын ажиллагааг    өргөжүүлэх зорилгоор 2018.03.30-04.08-ны хугацаанд цогцолборын 18 хүүхэд               залуус,  байгууллагын дарга, Хүүхэд, Залуучуудын төвийн  эрхлэгч  нар тус аялалд хамрагдаад ирэв. Хамтран ажиллаж байгаа Цэцэглэх Ирээдүй ТББ-ын хамт олон       сайн дурын ажилтнууд маань хүүхэд залуучуудын дараах байгуулагуудтай  төлөвлөлт хийсний дагуу
Ø  СТЕФЕНСИЙН НИЙГЭМЛЭГ-St Stephen’s Society
Ø  КРИСТОФЕРИЙН АСРАХ БАЙР – St Christopher’s Homes
Ø  ВИВА ХҮҮХДИЙН ХАМТЫН НӨХӨРЛӨЛ –VIVA together for children
Ø  ЖЕМС СУРГАЛТЫН ТӨВ – JEMS learning House
Ø  ПО ЛЭУНГ КУК АСРАМЖИЙН ГАЗАР – Po Leung Kuk
Ø  ЭЭЖИЙН СОНГОЛТ ТББ– Mother’s Choice
Ø  ЕВАНГЕЛИЙН ХҮҮХДҮҮДИЙН ГЭР БАЙГУУЛЛАГА –Evangel  Children’s Home
Ø  ХҮҮХДИЙН ХӨГЖЛИЙН ЗОРИЛТОТ САН – Child Development Matching Fund    
        
төрийн болон төрийн бус, олон улсын байгууллагуудаас туршлага судалж, цаашид ажил үйлчилгээндээ нэвтрүүлэх  шинэ санаа авсан үр дүнтэй ажил боллоо.