2018/06/15

Тамхигүй ирээдүй-эрүүл ирээдүй


Дэлхийн эрүүл мэндийн байгууллагын гишүүн орнууд жил бүрийн 05 дугаар сарын 31-ний өдрийг тамхины эсрэг өдөр болгон тэмдэглэн ирсэн бөгөөд 2018 оны энэ өдрийг “Тамхи зүрхэнд хортой-тамхийг биш эрүүл мэндээ сонгоё” гэсэн нэгдсэн уриан дор  тэмдэглэхээр болсон. Нийслэлийн Засаг даргын Тамгын газар энэ аяныг дэмжин харьяа агентлаг байгууллагуудыг хамтран оролцох уриалга гаргасныг дэмжин манай байгууллага 2018 оны 5 дугаар сарын 15-аас 6 дугаар сарын 15 хооронд Тамхины ишгүй байгууллага-Тамхигүй орчин аяныг зохион байгууллаа.


Тус аяны хүрээнд Тамхигүй ирээдүй-эрүүл ирээдүй сэдэвт сургалтыг 05 дугаар сарын 31 өдөр Хүүхдийн төвийн 11-16 насны хүүхдүүд, Залуучуудын төвийн 16-18 насны хүүхдүүдэд тус тус сургалт зохион байгуулж хүүхдийн өөрөө удирдах зөвлөлийг идэвхижүүлэн цогцолборын хэмжээнд болон цогцолборын ойр орчмын талбайд тамхи татаж буй хүмүүст нөлөөлж торгуулийн арга хэмжээг авах ажлыг өрнүүлсэн ба тус торгуулиас олсог орлогыг хүүхдийн өөрөө удирдах зөвлөлийн үйл ажиллагааны санхүүжилт болгохоор цогцолборын удирдлага шийдвэрлэснээс гадна хүүхдийн орчин тамхигүй орчин гэсэн зурагт хуудас, анхааруулга, санамжуудыг хүүхдүүд өөрсдийн гараар зурж байрлуулан аянд идэвхитэй оролцсон.



Тус ажлыг зохион байгуулхад идэвхи санаачлагатай оролцож үе тэнгийнхнийхээ түүчээ болсон хүүхэд залуустаа баярлалаа.

2018/06/04

Хүүхдийн баяр- Хүслийн баяр


Өхөөрдөм үрсийн баясгалантай инээдэнд хорвоо дэлхий баясан цэнгэсэн, үлэмж ачит ээжийн бүүвэйнд буурал дэлхий уяран хайлсан, нарлаг зуны энэ л өдрүүдэд  Олон Улсын Хүүхдийн Эрхийг хамгаалах өдрөө хүүхдүүд маань баяр хөөрөөр дүүрэн өнгөрүүллээ. Энэхүү хүүхдийн  баярын үйл ажиллагааг   амьдрах ухааны болон мэргэжлийн сургалтын багш нар амжилттай зохион байгуулж хүүхдүүдээ баярлууллаа.
                 Тус үйл ажиллагааны хүрээнд дуучин Репер Gee хүүхэд багачуудыг Тэнгис кино театрт кино үзүүлж, MCS группээс хүүхдүүдийг нэг өдөр  парк дээр  тоглуулж баярлуулсан ба 6 дугаар сарын 1-ний өдөр Хүүхдийн төвдөө  баяраа тэмдэглэж,  2018 оны эхний хагас жилд сурлага, спорт, авьяас чадвараараа шалгарсан 11 хүүхдийг шагнаж урамшууллаа. 







          Мөн баярын өдрөөрөө Монголын Хүүхдийн Ордонд авьяаслаг хүүхдүүдийн тоглолтыг үзэж, Нийслэлийн Засаг Даргын гарын бэлгийг гардан авсан.



Хүүхдийн төлөө хамтран ажилласан та бүхэнд баярлалаа.



Сайн үйлс дэлгэрэх болтугай










2018/05/23

“УЛААНБААТАР МАРАФОН - 2018”

Монгол Улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд өөрийн дотоод нөөц боломжийг нээж, тэсвэр хатуужил, бие бялдрын болон оюун санааны өв тэгш хүмүүжлийг төлөвшүүлэх, иргэдийг өдөр тутмын биеийн тамираар хичээллэх идэвхи санаачлагыг дэмжих зорилгоор Нийслэлийн Засаг Даргын Тамгын Газраас “Улаанбаатар марафон-2018” олон улсын гүйлтийн тэмцээнийг амжилтттай зохион байгуулагдлаа.
Тус цогцолбороос 6 багш, 4 залуусын төлөөлөл 30000 тамирчинтай хүч хөлс, авхаалж самбайгаа сорин өрсөлдсөн ба 1400 метрт цогцолборын дарга, 5000 метрт 5 багш, 3 залуус, 42 км-ын холын зайн гүйлтэд 1 тамирчин оролцов.







2018/05/22

ГЭР ДҮҮРЭН ЖАРГАЛ-ХҮҮХЭД БҮРИЙН ХӨГЖЛИЙН ҮНДЭС

Манай  байгууллага нь төвд сурч амьдарч байгаа хүүхдүүдийнхээ эцэг эх асран хамгаалагчидтай хамтран ажиллах, уялдаа холбоог сайжруулах зорилгоор жил бүр Дэлхийн гэр бүлийн өдрийг тохиолдуулан “Гэр бүлийн үнэ цэнэ” нээлттэй хаалганы өдөрлөгийг зохион байгуулдаг уламжлалтай.  
Тус өдөрлөгт нийт 28 хүүхдийн 16 эцэг эх асран хамгаалагчид, Амгалан цогцолбор сургуулийн багш нарын төлөөлөл, Хамтран ажилладаг байгууллагын төлөөлөл БЗД-ийн Цагдаагийн 3-р хэлтэсийн Гэр бүлийн хүчирхийлэл, Хүүхдийн эсрэг гэмт хэргээс урьдчилан сэргийлэх тасгийн 3  мэргэжилтэн, Цэцэглэх Ирээдүй ТББ-ын сайн дурын ажилтнууд хүрэлцэн ирлээ.

Эцэг эх, багш сурган хүмүүжүүлэгч, хүүхэд хамгааллын байгууллагуудын  оролцоо, хамтын хүч, нэгдмэл зорилгыг урьтал болгон  хүүхдийн хүмүүжил, хөгжил төлөвшил, хууль эрх зүй, халамж хамгаалал нийгэм сэтгэл зүйн үйлчилгээг цогцоор нь үр дүнтэй үзүүлэхэд чиглэсэн санал санаачлагуудыг хүлээн авч,  харилцан мэдээлэл солилцлоо.
            Өдөрлөгийн хөтөлбөр төлөвлөгөөний дагуу эцэг эхчүүд хүүхдүүдийнхээ сурч хөгждөг амьдрах ухааны сургалт, эмнэлэг эрүүл ахуйн үйлчилгээ, өдөр тутмын нийгэм сэтгэл зүйн үйлчилгээ, хууль эрхийн үйл ажиллагаатай танилцаж сэтгэгдэл өндөртэй талархал илэрхийлж, сэтгэл ханамжийн асуулга судалгаанд оролцлоо.  
Хүүхдүүдийн зүгээс хүрэлцэн ирсэн зочиддоо зориулан өөрсдийн бэлтгэсэн дуу хуурын мэндчилгээг дэвшүүлэн “Амжилтын хөтөч” ХӨУЗ-өөс зохион байгуулсан “Би гэр бүлдээ үүнийг л хүсдэг” гар зургийн уралдаан үзэсгэлэнгээ сонирхуулахын зэрэгцээ ОУЭЭХ өдрөөр “Ижийдээ зориулан бичсэн захидал”-аа гардуулан өглөө.